ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានផ្ដល់ជាដំណោះស្រាយចំពោះជម្លោះនៃការប្រើពាក្យ «គុនខ្មែរ» និង «មួយថៃ» ក្នុងវិញ្ញាសាស៊ីហ្គេម ដោយថាមិនគួរណាយកគុនទាំងនេះជាសិទ្ធផ្ដាច់មុខសម្រាប់អាស៊ាននោះទេ គឺប្រទេសណារៀបចំការប្រកួតស៊ីហ្គេមប្រទេសនេះអាចប្រើប្រាស់ឈ្មោះរបស់ខ្លួនបាន។
ថ្លែងក្នុងពិធីជួបជាមួយអ្នកសិល្បះនៅមជ្ឈមណ្ឌលកោះពេជ្រ នារសៀលថ្ងៃទី២ ខែមីនា ឆ្នាំ២០២៣នេះ សម្ដេចតេជោ ហ៊ុន សែន បានលើកឡើងថានិងចង់ឱ្យមានការចុះបញ្ជីបេតិកភណ្ឌលើគុនថៃ គុនខ្មែរ គុនឡាវ និងគុនមីយ៉ានម៉ា រួមគ្នាក្នុងបញ្ជីបេតិកភណ្ឌពិភពលោកផងដែរ។
សម្ដេចលើកឡើងថាតើនឹងមានមានការសម្រុះសម្រួលណាមួយជាមួយថៃ និងប្រទេសផ្សេងទៀតលើបញ្ហានេះដែរឬទេ?
ក្រៅពីនេះសម្ដេចតេជោក៏លើកពីបំណងចង់ឱ្យមានការចុះពាក្យថាសង្ក្រានរួមគ្នាជាមួយប្រទេសផ្សេងទៀតដែលប្រារព្ធពិធីចូលឆ្នាំដូចខ្មែរផងដែរ៕